Сериалдың бас кейіпкері Арман университетті қызыл дипломмен тәмамдайды. Ендігі жоспары – мемлекеттік қызметке қабылданып, бастық болу. Үлкен қаланың көңілді де, жайлы өміріне үйренген ол еңбек жолын өзі қалаған елордадан емес, «Бүлдірген» ауылынан бастайды. Әрине, амалсыз. Негізгі себеп – заңды белден басқан Төкеңнен қашып құтылу. Кешегі өршіл студент «ауыл әкімі» міндетін атқара ала ма? Сатқындық пен интрига, махаббат пен патриотизм, қазақы болмыс пен ауыл тынысы «Бастық боламын» сериалында көрініс тапқан.