«Жетінші арна» мен «Late Night Show with Dinara SATZHAN» көрерменге «Жаңа Жыл Party» атты мерекелік шоу дайындап жатыр.
Қазақстандық шоу-бизнестің ең танымал әртістері мен жұлдыздары Жаңа жыл түні телекөрерменге көтеріңкі көңіл күй сыйлап, әуезді ән, ырғақты би, қызық ойын ұсынады.
Кешті Динара Сатжан мен аты аңызға айналған әнші Роза Рымбаева жүргізеді. Мирас Жүгінісов, Yenlik, Ұлан Ғасыр, Kalifarniya, блогер NNN, Ayree, Amre, Ниязқұл мен Айбек, т.б. жұлдыздар сахнаға сән беріп, кештің көркін аша түседі.
Ал әлемдік жұлдыз Akon-ның шоуға келуі көрерменге күтпеген сый болары анық.
«Динараның кәсіби шеберлігі, харизмасы және Роза Рымбаевамен тандемі тележобаға ерекше көрік берді. Біз әрдайым көрерменге сапалы өнім ұсынуға тырысамыз. Жаңажылдық шоуымыздың да жарқын, көңілді әрі тосынсыйға толы болатынына сенімдімін. «Жетінші арна» қосулы болсын!», – деді арнаның бас директоры Әния Байоразова.
Шоуды тікелей эфирде және «Жетінші арнаның» ресми сайтынан онлайн көруге болады.
Толығырақ: tribune.kz
© 2009-, «Жетінші арна». Барлық құқықтар қорғалған.
