«Жетінші арнада» тұсаукесер: «Тойхана» сериалының екінші маусымы

«Жетінші арнада» тұсаукесер: «Тойхана» сериалының екінші маусымы

«Тойхана» телехикаясының екінші маусымы 18 сəуір күні «Жетінші арна» эфирінен көрсетіледі.

Тойсүйер қазақтың тойханаларында кездесетін шым-шытырық оқиғалар əзіл- шыны аралас суреттелген телехикаяның алғашқы маусымы көрермен жүрегін бірден жаулап алып, интернетте 11 млн астам қаралым жинады. «Жетінші арнаның» бас продюсері Сəбит Рахымбаевтың айтуынша, телехикая арнаның аудиториясын ұлғайтып, комедиялық жанр жанкүйерлерінің көңілінен шыққандықтан, екінші маусымын түсіру туралы шешім бірден қабылданды.

«Тойхана-2» телехикаясы – «Жетінші арна» көктемгі маусымда көрсететін жарқын премьералардың бірі. Көрермендер Рамазан Амантай, Ғазиз Ерболат, Сая Оразғалиева, Күнсұлу Тұрғынбекқызы сынды танымал актерлердің кəсіби ойынын тамашалайтын болады», – дейді Сəбит Рахымбаев.

Сериал авторлары жаңа маусымға қатысты жаңашылдықтарды тұсаукесерге дейін құпияда сақтауда. Дегенмен екінші маусымда сүйікті кейіпкерлерден бөлек, жаңа кейіпкерлер пайда болады. Телехикаядағы оқиғалардың көбі шынайы өмірден алынған, себебі сценарий авторларының арасында кезінде мейрамханада жұмыс істегендер бар екен.

«Екінші маусымның оқиға желісін қызықты ету жəне жалпы концепциясын құрастыру үшін авторларды еліміздің əр облысынан тарттық. Авторлар кейіпкерлердің рөліне өздері еніп, түрлі ситуациялық жағдайлардың шешімін табуға тырысты», – дейді «Тойхана» сериалының сценарисі Мəди Əбдуғалиев.

Трейлер

«Тойхананың» екінші маусымында бас кейіпкер Ғазизхан жеке өмірімен қатар бизнес саласында да қиындықтарға тап болады. Қызметкерлермен арада түсініспеушілік те орын алады. Осының бəрін реттеу үшін Ғазизхан өзін өзгертуді бастайды. Мейрамхананы да жаңартады. Жоба режиссері Əсет Жұмақанның айтуынша, түсірілім жаңа локацияларда өтеді.

«Екінші маусымда тойдағы атмосфераны барынша ашып көрсетеміз. Тойханадан бөлек жерлерде де түсірілімдер көп болды. Кейіпкерлердің тойханадан тысқары өмірін көрсетуге тырысамыз», – дейді бас режиссер Əсет Жұмақан.

«Тойхана-2» комедиялық телехикаясының тұсаукесері 18 сəуір күні сағат 21:30 – да «Жетінші арна» эфирінен көрсетіледі. Жарқын премьераны өткізіп алмаңыздар!

«Тойхана 2»

«Тойхана 2»

Мейрамхана қожайыны Самат Қайратұлы қомақты ақшасынан ұтылып қалған соң, амалсыздан мейрамхананы жарты бағасына сатуды ұйғарады. Бұны естіген Ғазиз мейрамхананы сатып алуға әрекеттенеді.

Толығырақ
×