«Жетінші арна» эфирінде жаңа интерактивті ток-шоу – «SanTaram»

«Жетінші арна» эфирінде жаңа интерактивті ток-шоу – «SanTaram»

«Жетінші арнадан» көктемгі маусымда көрерменге жол тартатын тағы бір жаңа жоба – «SanTaram» бағдарламасы.

18 сәуірден бастап эфирге шығатын жаңа әлеуметтік ток-шоу тағдырдың сан тарам жолында сан сауалға жауап іздеген жандарға арналады.

«Бұл еліміздің телевизия нарығындағы бірегей ток-шоу. Жаңа жоба бізге өз көрерменімізбен сырласуымызға, достасуымызға және мүмкіндігінше пайдалы болуымызға мүмкіндік береді. Аудитория өзін толғандырған сауалына кәсіби тұрғыда кеңес алуы үшін бағдарламаға нарықта сұранысқа ие, кәсіби мамандар шақырылады», – дейді телеарнаның бас продюсері Сәбит Рахимбаев.

Кез келген адам әлемнің кез келген жерінен тікелей эфирге хабарласып, өзін мазалаған мәселелер бойынша кәсіби нумеролог пен психологтан кеңес ала алады. Бұл үшін арнайы уақыт бөліп, студияға келудің қажеті жоқ. Телефон, тіпті әлеуметтік желі @Santaram.tv7 арқылы да хабарласуына болады. Бағдарламаның басты мақсаты да сол – нақты бір шешім қабылдауда қиналып жүрген жандарға бағыт-бағдар көрсету, жөн сілтеу, түйткілді мәселенің түйінін шешуге көмектесу.

««SanTaram» бағдарламасы көрермен көзайымына айналады деп сенемін. Себебі «Оян, Qazaqstan!»  таңғы бағдарламасынан ой түйгенім, біздің қоғамда дәл қазір нумерологтар мен психологтардың қызметіне қызығушылық өте жоғары. Бір өкініштісі, көпшілігінің кәсіби мамандардың кеңесіне жүгінуіне мүмкіндігі жоқ. Сондықтан бұл мүмкіндікті көрерменге біздің хабар арқылы беруді көздеп отырмыз»,- дейді бағдарлама продюсері Әйгерім Шәймерден.

Бағдарламаға шақырылатын нумеролог және психологтар – арнайы іріктеуден өткен, көпшілікке танымал кәсіби мамандар. SanTaramға жасы 16-дан асқандар қатысып, бизнес, қарым-қатынас, махаббат мәселесі, мамандық таңдау сынды сан сауалға жауап алады.

Бағдарламаның алғашқы саны сәуірдің 18-і күні эфирге шығады. «Жетінші арна» эфирінен күн сайын, дүйсенбі мен жұма аралығында, сағат 13:00-де тікелей эфирде беріледі.

SanTaram | СанТарам

SanTaram | СанТарам

«SanTaram» - бұл кез келген көрермен Құралай Бақыт сынды нумеролог пен Серікгүл Сәли және Ержан Мырзабаев сынды кәсіби психологтардан өздерін толғандырған сұраққа тегін кеңес ала алатын бірегей ток-шоу.

Толығырақ