Ақтөбеліктер пәтердің суықтығына соңғы кездері жиі шағымданады. Тіпті мектептер мен ауруханалар да азынап тұр. Қала іргесіндегі елді мекендер мен саяжайдағылар көгілдір отынның қысымы төмендеп кеткенін айтады. Қайта-қайта шағым түсе берген соң аймақ басшысы перзентханаға барып, науқастардың суық бөлмелерде ем қабылдап жатқанына куә болды. Бас дәрігерге жағдайды реттеуге 3 күн уақыт берді. Бірақ ақ халатты басшының аурухананы қалай жылытатыны белгісіз. Жылуға жауапты мекеме басшысы мәселенің туындауына бұқараның өзі кінәлі деді. Көбі терезесін қымтамаған деп отыр.
Пятница, 09 декабря 2022, 20:21
© 2009-, «Жетінші арна». Барлық құқықтар қорғалған.
