«7 арна» – танымдық—ойын-сауық бағыттағы республикалық телеарна.
«7 арна» елордалық «Эра» телеарнасы негізінде құрылып, 2009 жылғы 9 қыркүйекте республикаға хабар таратуды бастады. Бүгінде арна хабарларын көрермен Қазақстанның ірі қалалары мен облыс орталықтарында, кабельдік операторлар желілерінде, IDTV, TV+, GalamTV, Bee TV платформаларында, сондай-ақ телеарнаның ресми сайтынан тамашалай алады.
Бір мүшелді өткерген телеарна өзі өндірген бағдарламалар, ток-шоулар және телесериалдарымен көрермен көңілін жаулап үлгерді. «Жұлдыздар фабрикасы», «Звездные танцы», «40 миллион теңге» сынды халықаралық шоу-бағдарламалардың отандық көрермен үшін бейімделген нұсқасы және «Q-елі», «Зың-зың Күлпәш», «Тақиясыз періште», «Тек қана қыздар», «Бастық боламын», «Әке мен әке» секілді қазақ тіліндегі сериалдар телеарна «бойтұмарына» айналды.
2010 жылы «7 арнаның» интернет-кеңістікке жорығы басталды. 2018 жылы телеарна 1 миллиардтан астам қаралым жинап, алғашқылардың бірі болып YouTube алтын батырмасына ие болды. 2022 жылы «7 арнаның» YouТub арнасына жазылушылар саны 3 миллионнан асып, телеарна өндірген жобалар жүз миллиондаған қаралым жинады.
2023 жылы телеарна ауқымды өзгеріске бет бұрды. Арнаның ребрендингі жасалды. Бағдарламалар кестесі «Қыздар-ай» әлеуметтік күндізгі шоу, «Разговор со вкусом», «Battle сөз», «Жұлдызды шаңырақта», «Қызықты wekeend», «Реформатор», «Жаңа кезең» атты танымдық-ойын-сауықтық бағыттағы қызық әрі мазмұнды контентпен толықты.
© 2009-, «Жетінші арна». Барлық құқықтар қорғалған.
Телеарна тарихы
Байланыс
Арна жаңалықтары