Бас кейіпкер – бүкіл өмірін мансапқа арнаған Раушан Қанатқызы. Ол 20 жыл бойы ірі фармацевтикалық компанияда топ-менеджер болып жұмыс істеп, енді қызмет бабымен жоғарылауын күтіп жүр. Ал ұлы Олжас бір ай бұрын танысып, ғашық болып қалған сүйіктісі Қарлығашқа үйленбек. Қарлығаш – шетелде білім алып, тәжірибе жинаған ақылына көркі сай қыз.
Ол күтпеген жерден енесі Раушан жұмыс істейтін компанияның директоры болып тағайындалады. Бұл орынға Раушан бұрыннан көз тігіп жүрген. Осылайша, екі әйелдің арасындағы бітіспес дау басталады. Олжас екі оттың ортасында қалады. Жұмыста Қарлығаштың билігі жүрсе, үйде Раушан «қатал енеге» айналып, өз дегенін жасатады.
© 2009-, «Жетінші арна». Барлық құқықтар қорғалған.
