Өсекшілер

«Төңкеріс» ауылы. Өсек айтудан алдына жан салмайтын құрбылар: дәрігер – Гүлмира, мұғалім – Бижамал, пошта қызметкері – Сәбира. Үш құрбы аудан әкімінен өш алмақшы болып, «ауылда атом электр станциясының салынуына орай ауыл тұрғындарына жәрдемақы төленеді екен» деген «свежий» өсекті ватсап желісі арқылы таратып жібереді. Бұл өсектің ауыл аймағынан асып, бүкіл республикаға таралғаны сонша, тіпті, ҚР Ішкі істер министрлігі фейк ақпарат таратушыларға іздеу жариялайды. Мұны естіген өсекшілер қылмыс ізін жасырмаққа әрекеттенеді. Сериал «сау басына сақина тілеп алған» үш құрбының басынан өткерген хикаясы туралы.