Ұстаз

Жасұлан – білімді әрі көрікті жас ұстаз. Болашағынан зор үміт күттіретін жас жігіт шетелде білім алуды армандайды. Бірақ еңбек жолын ауылдан бастайды. Жасұланды мінез-құлқы қиын әрі қиқар жасөспірімдермен бірге «өмір» мектебі күтіп тұр еді. Бұл мектептегі махаббат пен сатқындық, әзіл-қалжыңға толы риясыз достық пен әріптестер арасындағы бәсекелестік, интрига жас ұстаздың өмірге деген көзқарасын түбегейлі өзгертеді. Ал Жасұлан оқушылардың білімге деген құлшынысын, өмірге деген көзқарасын өзгерте ала ма?