«Алтын белгі» иегері атанып, бірақ Ұлттық бірыңғай тестілеуден төмен балл алған түлек үшін енді мектеп басшылығы жазаланады. Бұл туралы Білім және ғылым министрі Асхат Аймағамбетов мәлімдеді. Айтуынша, биылдан бастап Министрлік үздік оқушылардың сынақ тапсыруын бақылауға алып, сараптама жүргізбек. Себебі «бармақ басты, көз қысты» арқылы «Алтын белгі» иегері атанғандар аз емес екен. Сараптаманы Ұлттық тестілеу орталығы ұйымдастырады. Министр «Алтын белгі» иегері ҰБТ-дан 50 балл көлемінде немесе шекті балл алмаған жағдайда мектеп басшылығына қандай жаза қолданылатынын да ашып айтты.
Референдумға бөлінген 16 млрдтың 80% комиссия мүшелерінің жалақысына жұмсалады. Бұл туралы Орталық сайлау комиссиясы мәлімдеді. Ал қалған қаражат үгіт-насихат жұмыстары мен бюллетендерді басып шығаруға кетеді екен. Жалпыұлттық науқанға дайындық қалай жүріп жатыр? Айя Мүтәлі тарқатады.
Билік қорғанысқа 1 трлн теңге жұмсамақ. Белсенділер «Қаңтар оқиғасы» мен әлемдегі геосаяси мәселелерді ескере отырып, жарақтануға қаражатты аямау керектігін көп айтқан. Биылға көзделген ақша бюджеттің бұрынғы көлемінен 19%-ға көп.
Сейсенбі, 17 Мамыр 2022, 18:30
© 2009-, «Жетінші арна». Барлық құқықтар қорғалған.
