Қалған өмірі өкінішпен өтеді. Ақтөбеде кепілге адам алу және екі кісіні өлтіру дерегі бойынша сот үкімі шықты. 38 жастағы Сәрсенбек Басанов өмір бойына бас бостандығынан айырылды. Сондай-ақ ол 27 млн теңге моральдық және материалдық өтемақы төлейді. Еске салайық, ол екі зейнеткерді бірнеше рет пышақтап, балтамен ұрып, денелерін жертөлеге жасырған. Ал азаматтық некедегі әйелін ұрып-соғып, қорқытып, кепілге алған.
ЖӘНІБЕК СЕЙТЖАПАРОВ – СУДЬЯ:
— Қылмыстық кодекстің 58-бабы 4-бөлігіне сәйкес Басановқа қылмыстардың жиынтығы бойынша Басановқа түпкілікті өмір бойына бас бостандығынан айыру жазасы тағайындалсын. Жаза өтеу орны қылмыстық атқару жүйесінің төтенше қауіпсізщ мекемесіне белгіленсін.
ЭЛЕОНОРА ӘЛИ – МАРҚҰМНЫҢ ҚЫЗЫ:
— Алты ай жүрдік осы іспен. Жынды болып кете жаздадық. Ату жазасы болғанда ату жазасын сұрайтын едік. Әрине келісеміз өмір бойына бас бостандығынан айырылып жатсын. Қолымен істегенін мойынымен көтерсін.
———————————————
© 2009-, «Жетінші арна». Барлық құқықтар қорғалған.
