Шымкентте банан өсіп жатыр. Тропикалық жемісті алғаш рет өндірістік көлемде өсіру қолға алынды. Отандық банан өсетін жылыжай қазір қаладағы туристік орындардың біріне айналды. «Мұндай банан алқабы Орталық Азияда жалғыз», — дейді кәсіп иелері.
Бұл – Шымкенттегі банан плантациясы. Мұнда экзотикалық өнім өсіріліп, жергілікті нарыққа шығады. Қазір бұл орын – қаладағы сұранысқа ие жылыжайдың бірі. Себебі бананның қалай өсірілетінін көруге қызығатындар көп.
Банан алқабын көруге елдің түкпір-түкпірінен, тіпті шет мемлекеттерден де адам ағыла бастаған. Күн сайын тропикалық бауды тамашалауға 200-300-ге жуық адам келеді. Ал демалыс күндері келуші саны 500-ге дейін жетеді.
Кәсіп иелерінің айтуынша, бұл – Азиядағы алғаш әрі жалғыз банан плантациясы.
НӘБИ ТАШМАТОВ, ЭКСКУРСИЯ ЖЕТЕКШІСІ:
— Біздің елімізде емес, Азиядағы жаңалық. Азия бойынша мұндай бау жоқ. Бауды көруге сұраныс халықтан көп болды. Сол себепті экскурсия аштық. Келген халықтың қуанышы, ризашылығы өте жоғары.
Банан бағы 5 гектар аумақты алып жатыр. Мұнда 7 мыңнан астам түп ағаш бар. Бір ағаш 50-60 келі жеміс береді. Отандық өнімнің бағасы да арзан, келісі – 650 теңге. Бұл еліміздегі ең төмен баға деуге болады.
———————————————
© 2009-, «Жетінші арна». Барлық құқықтар қорғалған.
