Ақтөбеде 35 жастағы қала тұрғыны бүйрегін сатпақ болды. Ол үшін әлеуметтік желіге хабарландыру қалдырып, ағзасын 15 миллион теңгеге бағалаған. Арам пиғылын жүзеге асырмақ болған пысықайды өңір прокурорлары анықтады. Жедел-іздестіру шарасы барысында көп ұзамай ол ұсталды. Қазір бұл фактіге қатысты қылмыстық іс жүріп жатыр.
Жалпы айта кету керек, бұл – анықталған өңірде заңсыз ағза сатудың екінші жағдайы. Бұған дейін, аймақта Атыраулық азамат әшкереленген. Олардың екеуі де ақша таппай амалы таусылғандықтан, осындай әрекетке барған.
ӘСЕЛ МӘЛІКОВА, ОБЛЫСТЫҚ ПРОКУРАТУРАНЫҢ БАСҚАРМА ПРОКУРОРЫ:
— Аталған факті бойынша ҚК 116-бабының 1-ші бөлігімен сотқа дейінгі тергеп-тексеру басталып, тергеу амалдары жүргізілуде. Бұл бағытта жұмыстар жалғасуда.
———————————————
© 2009-, «Жетінші арна». Барлық құқықтар қорғалған.
