Абақтыдағы туған күнді бейнетаспаға түсірген уақытша ұстау изоляторының қызметкері болып шықты. Ол туған күн кешін өз телефонына таспалаған. Шулы оқиғадан кейін қызметкер жұмысынан қуылды. Жалпы бұл бассыздыққа жол берген 16 қызметкер жауапқа тартылды. Оның ішінде уақытша ұстау изоляторының бастығы да бар. Ішкі істер министрлігінің хабарлауынша, оқиға бойынша қылмыстық іс қозғалды.
Еске салайық, абақтыда шам үрлеп, торт жегендер 16 жастағы Шерзат Полаттың өліміне қатысы бар деп күдікке ілінген болатын. Тергеу әлі аяқталған жоқ.
РИНАТ ЗАЙЫТОВ – МӘЖІЛІС ДЕПУТАТЫ:
— Кейбір оқшаулау мекемелерінде арнайы камераларды өздеріне ыңғайлап жасап алып, 1-2 бөлмелі үй сияқты қылып тұрып жатқан адамдар да бар. Өткенде бір шенеунік ет асып, ет жеп жатқанын көрдік. Бұл – түзету мекемелеріндегі бассыздықтың айқын көрінісі. Үстемдікті түзету мекемесінің басшысы кімге бергісі келеді, соған береді. Әу баста 429-баптағы артықшылықтарды алып тастағанымыз да осы мақсатта болды.
———————————————
© 2009-, «Жетінші арна». Барлық құқықтар қорғалған.
