Денсаулық сақтау министрлігінің дерегінше, Қазақстанда мінез-құлық бұзылыстары мен психикалық ауытқушылығы бар 200 мыңға жуық адам тіркелген. Оның 27 286-сы – ақыл-есі кем бала. 2024 жылы психологиялық ауытқуы бар ересек адам саны 1 705-ке артқан. Ал ақыл есі кем бала саны 3 955-ке көбейген. Мәжіліс депутаты Ирина Смирнованың айтуынша, жалпы еліміздегі психикалық ауытқушылығы бар адамдарды емдейтін диспансерлердің жағдайы мәз емес. Техникалық базасы ескірген, ондағы дәрігерлердің жалақысы да мардымсыз. «Бұл мәселені шұғыл түрде шешу қажет», — деп есептейді депутат.
Ирина Смирнова, Мәжіліс депутаты:
— Қайғылы жағдайларды болдырмас үшін кешенді шараларды қолға алу керек. Мен өңірлердегі психиологиялық мекемелердің жағдайын көзіммен көрдім. Мәз емес. Мәселен, Алматыдағы Республикалық психиологиялық көмек көрсету орталығы 1934 жылы салынған. Содан бері нысанға бірде-бір күрделі жөндеу жүргізілмеген. Елімізде жекеменшік психологиялық орталықтар жоқ. Бұған заң жүзінде тыйым салынған. Осы орайда жекеменшік клиникаларға да психологиялық көмек көрсетуге мүмкіндік берілуі керек деп есептеймін.
———————————————
© 2009-, «Жетінші арна». Барлық құқықтар қорғалған.
