Оңай олжа орға жықты. Астанада ірі сауда желілерінен техника ұрлап келген топ ұсталды. Олар сауда желісінің бұрынғы қызметкерлерімен сыбайласу арқылы электронды сату жүйесіне енген. Ұрланған тауарды әртүрлі қалаға апарып сатып, екі жыл ішінде 500 млн-ға жуық теңге пайда тапқан.
ҚУАНДЫҚ АЛПЫС, ІІМ ҰЙЫМДАСҚАН ҚЫЛМЫСҚА ҚАРСЫ КҮРЕС ДЕПАРТАМЕНТІНІҢ ӨКІЛІ:
— Полиция қызметкерлері 20-дан астам тінту іс-шарасын жүргізді. 120-дан көп түрлі техника, оның ішінде белгілі өндірушілердің ондаған ұялы телефоны, ірі көлемде ақша, травматикалық қарулар мен әртүрлі калибрлі оқ-дәрілер тәркіленді. Сотқа дейінгі тергеп-тексеру аса ірі мөлшердегі алаяқтық және ұрлық ісі бойынша жүргізіліп жатыр.
———————————————
© 2009-, «Жетінші арна». Барлық құқықтар қорғалған.
