Биыл Шығыс Қазақстан облысына 5 мыңға жуық ақылды камера орнатылды. Құрылғының ерекшелігі адамның бет-жүзін тану арқылы іздеуде жүргендерді тез табуға септігін тигізеді. Сондай-ақ заманауи бақылау құралдары шағын қалалар – Риддер мен Алтайда да болады.
Ақылды камералар автокөліктердің жылдамдығын да анықтай алады. Сондықтан олар мектептер мен әлеуметтік нысандардың жанына қойылады. 2024 жылы бейнекамералардың деректері бойынша облыста жол қозғалысы ережелерін бұзудың 9 мыңға жуық фактісі, бұзақылықтың төрт мыңға жуық жағдайы анықталды. Бұқтырма су қоймасы арқылы өтетін ең үлкен көпірге де камералар қосылды. Құрылғы арқылы өткелдегі жүктемені есептеуге мүмкіндік туды. Бұқтырма көпірі арқылы күніне бір жарым мыңнан астам автокөлік өтетіні белгілі болды.
———————————————
© 2009-, «Жетінші арна». Барлық құқықтар қорғалған.
