Екібастұзда балаларын ойнатып, көңіл көтермек болғандардың денесі көгеріп, миы шайқалып қайтты. Қаладағы сауда орындарының бірінде алаңсыз тамақтанып отырған көпшіліктің үстіне төбе опырылып құлаған. 5 адам ауруханаға жеткізілді, үшеуі – кәмелет жасқа толмаған бала. Зардап шеккендердің бірінің денесі көгерсе, біріне мидың шайқалуы диагнозы қойылып, амбулаториялық ем тағайындалған.
150 шаршы метрлік аспалы төбесі құлаған сауда орталығы қазір мән-жайды анықтағанға дейін жабылды. Полиция қауіпсіздік талаптарына сай келмейтін жұмыстарды орындау немесе қызметтер көрсету фактісі бойынша қылмыстық іс қозғалғанын хабарлады.
———————————————
© 2009-, «Жетінші арна». Барлық құқықтар қорғалған.
