Қазақстандық жеті бағалау компаниясы Петропавл әкімдігімен соттасып жатыр. Өткен жылы су тасқынынан келген залалды есептеген мамандар атқарған жұмыстың ақысын әлі алмапты. Бағалау актілерін жасаушылармен жергілікті билік есеп айырыспаған. Өскемендік кәсіпкер Анна Зиновьеваның айтуынша компания аймаққа барып, 300-ден астам тұрғын үйдің жағдайын зерттеген. Белгілі болғандай, тапсырыс беруші қазынашылық органында маңызды құжатты тіркемеген. Нәтижесінде 8 айдан бері бағалаушы компаниялардың 100 млн теңге қарызы берілмеген.
ӘСЕМ АЙТҰЛОВА – ҚАЛА ӘКІМІНІҢ БАСПАСӨЗ ХАТШЫСЫ:
— Бұл қызмет түріне қаражат бөлінбеуіне байланысты қарыз жиналып тұр. Жеті компания экономикалық сотқа талап арыз берді. Бүгінгі таңда сот процесі жүріп жатыр және сот шешімі шығарылған кезде оны қала әкімдігі орындайды.
———————————————
© 2009-, «Жетінші арна». Барлық құқықтар қорғалған.
