Теміржол саласында еңбек еткен адамдардың қажырлы еңбегі қай кезде де бағаланады. Егер мамандығыңды шын сүйіп, оған адал болсаң, жемісін көресің. Бұл – теміржол саласында тынбай қызмет атқарып келе жатқан Қайрат Оңғашевтің өмірлік ұстанымы. Жол монтері шойын жолдың бойында 34 жылдан бері еңбек етіп келеді.
ҚАЙРАТ ОҢҒАШЕВ, ТЕМІРЖОЛ МОНТЕРІ:
— Бұл жұмысқа 19-20 жасымызда келдік, содан осы жерде еңбек етіп келеміз. Теміржолдың жұмысы ең жауапты жұмыс, жауапкершілігі мол. Күндіз-түні теміржолды қадағалайсың, түнде де тыныш болуы керек. Қаншама адамдар, жүк тасымалы бар. Бұл жұмыста қатаң тәртіп, пойыздың уақытылы қозғалысын сақтау маңызды.
НҰРСҰЛТАН ДҮЙСЕБАЕВ, БАС ИНЖЕНЕР:
— Жұмысында ешқандай кем-кетік жоқ, қазіргі күні бұл кісі – өте білікті мамандардың бірі. Жаңадан кіріп жатқан жас мамандарға жұмысты көрсетеді, үйретеді.
ҚАЙРАТ ОҢҒАШЕВ, ТЕМІРЖОЛ МОНТЕРІ:
— Жұмысымыз жақсы. Бұл жерде 34 жыл бойы еңбек еттік, үйреніп қалдық, қимаймыз.
———————————————
© 2009-, «Жетінші арна». Барлық құқықтар қорғалған.
