Алаяқтарға алдану дерегі азаяр емес. Ақтөбе тұрғыны 53 млн теңгесінен айырылды. Оған алаяқтар хабарласып, сеніміне кіріп, 8 күн ішінде Астана мен Ақтөбедегі екі пәтері мен көлігін сатқызған. Түскен ақшаны қалталарына басқан.
Жәбірленушіге белгісіз адам қоңырау шалып, өзін «Болашақ» бағдарламасының президенті ретінде таныстырған. Оның шоттары арқылы алаяқтық әрекеттер жасалғалы жатқанын ескертіп, Ұлттық қауіпсіздік комитеті қызметкерімен сөйлесуі қажет екенін айтқан. Кейін тұрғынға жалған қызметкер хабарласып, айтқан нұсқауларын бұлжытпай орындауды өтінген. Әйел артынан алданғанын түсініп, полицияға шағымданған. Алаяқтар табылған жоқ, іс бойынша тергеу жүргізіліп жатыр.
ЕРБОЛАТ САРҚҰЛОВ, ПД БАСПАСӨЗ ҚЫЗМЕТІНІҢ БАСШЫСЫ:
– Полицияның ескертулеріне қарамастан, азаматтар алаяқтардың құрбаны болуда. Жыл басынан бері Ақтөбе облысының аумағында 108 интернет-алаяқтық фактісі тіркелді.
———————————————
© 2009-, «Жетінші арна». Барлық құқықтар қорғалған.
