Қазақстандық спортшылар Харбинде өтіп жатқан қысқы Азия ойындарында тағы екі алтын олжалады. Фристайл-акробатикадан Роман Иванов пен Шерзод Хаширбаевтың асығы алшысынан түсті. Олар синхронды секіруде сергектік танытты. Ал Владислав Киреев биатлонда алтын арқалады. Сонымен Қазақстан қоржынында Азиаданың 13 медалі бар. Үшеуі – алтын, алтауы – күміс, төртеуі – қола. Медаль есебі бойынша Қазақстан төртінші орында тұр. Әзірге Қытай ойыншылары алда. Одан кейін Оңтүстік Корея мен Жапония бір-бірін өкшелеп келеді. Байрақты бәсеке 14 ақпанға дейін жалғасады.
———————————————
© 2009-, «Жетінші арна». Барлық құқықтар қорғалған.
