iPhone 14 Pro, қымбат ішімдік, кітап, картина және шоколад. Қазақстандық шенеуніктер былтыр құны 2 млн 300 мың теңгенің сыйлығын өз еркімен мемлекетке тапсырған. Арасында тіпті құшақ гүл де бар. Сыйлықтың көбін Экология және табиғи ресурстар министрлігінің қызметкерлері мемлекет меншігіне өткізіпті. Халықтан алған сый-құрметті қайтару жағынан астаналық шенділер алда. Әйтсе де мемлекеттік қызметкерлер ниет білдірсе, өзіне ұнаған сыйлықты сатып алуға құқылы. Мәселен, өткен жылы бір шенеунік 70 мың теңгенің сыйлығын ақшасын төлеп, алып қалған. Мемлекеттік мүлік және жекешелендіру комитеті мамандары тез бүлінетін азық-түлікті қоқысқа тастаса, сағат, кәдесый, ыдыс-аяқ секілді сақтау мерзімі шексіз сыйлықты арнайы веб-портал арқылы сатылымға шығарады. Былтыр мемлекет меншігіне өткізілген сыйлықтар 980 мың теңгеге сатылған. Мемлекеттік қызметкерлер бағасы 19 мың теңгеден асатын сыйлықты арнайы қорға тапсыруға міндетті.
———————————————
© 2009-, «Жетінші арна». Барлық құқықтар қорғалған.
