Арақ-шарапты астыртын сату арқылы байығысы келген. Ерлі-зайыптыдан 300 млн теңгенің активі тәркіленді. Олар үш жылдан бері алькогол өнімдерін қолдан жасап, рұқсатсыз айналымға салған. Күдіктілер жалпы құны 234 млн теңге болатын 13 қымбат көлік сатып алып, олардың бір бөлігін жақын туыстарына рәсімдеген. Жалған өнімді Шымкентте ғана емес, Түркістан және Жамбыл облыстарында сатқан. Тінту кезінде 9 мың литрден астам этил спирті, 24 мыңнан астам жалған акциз маркасы тәркіленді.
Кәмілхан Исмаилов, Экономикалық тергеп-тексеру департаментінің жедел уәкілі:
— Сот үкімімен аталған тұлғалар заңсыз кәсіпкерлік, акцизделетін тауарлардың таңбалау тәртібі мен ережелерін бұзу, қылмыстық жолмен алынған ақша мен мүлікті заңдастыру бойынша кінәлі деп танылды. Сот оларға 5 және 6 жылға бас бостандығынан айыру жазасын тағайындады.
———————————————
© 2009-, «Жетінші арна». Барлық құқықтар қорғалған.
