Жастар арасындағы Қазақстан чемпионатында төрт ойыншы жеңіске жетті. Бұлар ойынның үш түрі бойынша алдына жан салмады. Чемпионат Алматыда өтті. Турнирде еліміздің түпкір-түпкірінен келген 948 қатысушы бақ сынады. Жарыс жеті жас санаты бойынша өтті. Яғни 6-дан 18 жасқа дейінгі шахматшылар сайысты. Чемпионат классикалық, рапид және блиц форматтары бойынша ұйымдастырылды. Енді осы сайыста топ жарғандар халықаралық аренада Қазақстанның намысын қорғайды.
Тимур Турлов, Қазақстан Шахмат федерациясының президенті:
— Сайыс оңайға соққан жоқ. Бұл арада жүзден жүйрік, мыңнан тұлпарлар бақ сынады. Қалай болған күнде де, Қазақстанда талантты балалардың көп екенін көрдік. Оған осы турнир дәлел. Мұндай жарыстар жастарды қашан да шыңдайды.
———————————————
© 2009-, «Жетінші арна». Барлық құқықтар қорғалған.
