Апельсин, манго, маракуя, тіпті кумкват және басқа да тропикалық ағаштар Астанада жемісін берді. Оларды Ботаникалық бақта орналасқан жылыжайда көруге болады.
Таңғажайып өсімдіктер әлемінде елорда тұрғындарына арнайы экскурсия өтті. Келушілер тропикалық аймақтың атмосферасын сезініп қана қоймай, түрлі жемістің дәмін татты.
Бұл Астана қаласындағы Ботаникалық парктің жылыжайы. Ол суккулентті және тропикалық болып екіге бөлінеді. Мұнда өсімдіктің 2000-нан астам түрі бар. Қысы-жазы түйнектеп тұрған жеміс ағаштары жыл бойы арнайы күтімді қажет етеді. Жылыжай толықтай автоматтандырылған. Субтропикалық елдерден әкелінген өсімдіктер үшін ылғалдылық 60-80% деңгейінде сақталып тұрады.
Ләйлә Зекенова, жылыжай меңгерушісі:
— Бұлардың күтімі күрделірек. Себебі жылу мен ылғалды үнемі бірқалыпты ұстап тұру керек және көп жарық қажет.
Экзотикалық жеміс-жидектердің қалай жетілетінін білгіңіз келсе, елорда төріндегі тропикалық аралға дүйсенбіден басқа кез келген күні келсеңіз болады.
———————————————
© 2009-, «Жетінші арна». Барлық құқықтар қорғалған.
