Солтүстік қазақстандық инженерлер елімізде алғашқы болып өрт сөндіретін робот жасап шығарды. Қазақстанда баламасы жоқ ақылды қондырғы жергілікті зауыттардың бірінде құрастырылған. Енді өңір құтқарушылары адам өміріне аса қауіпті жанар-жағармай құю бекеттері мен улы газ тараған ортада тың құрылғының мүмкіндіктерін пайдаланады. Роботтың жан-жағына бірнеше камера орнатылған. Әрі қашықтан басқарылады. Салмағы – 150 келі. Секундына бір метрге жерге жылжиджы. Ал су бүрку қашықтықтығы 20 метрден асады. Ыстыққа аса төзімді. Өзін өзі оттан да сақтай алады. 8 сағаттан астам тоқтаусыз жұмыс істейді.
ӘДІЛ СПАЕН – СҚО ТЖД БАСҚАРМАСЫ БАСТЫҒЫНЫҢ ОРЫНБАСАРЫ:
— Жарылыс болуы мүмкін деген жерлерде осы роботтың көмегіне жүгінетін боламыз. Ол кез-келген қиындықты еңсере береді. Қатты аязбен түтіндеген ғимарат ішінде еш қиындықсыз жүріп, өртті сөндіреді. Осылайша осының арқасында біздің мамандардың жұмысы жеңілдеп, оларға төнетін қатер де азаяды.
———————————————
© 2009-, «Жетінші арна». Барлық құқықтар қорғалған.
