Қазақстанда тұрғын үйге сұраныс күрт артты. Шілдеде ел азаматтары 40 мыңға жуық пәтер мен жеке тұрғын үйді сатып алу-сату келісімін рәсімдеген. Мұндай үрдіске не себеп болды?
Шілде айында қазақстандықтар жылжымайтын мүлікті сатып алу-сату бойынша 40 мыңға жуық келісім жасады. Бұл маусым айымен салыстырғанда 19,4% көп. Мұндай өсім зейнетақы жинақтарын пайдалану көлемінің артуымен байланысты.
Ұлттық статистика бюросы келтірген дерек бойынша, 2025 жылдың шілдесінде пәтерлер бойынша – 31 мыңнан аса келісім, жеке тұрғын үйлер бойынша – 8,5 мыңға жуық келісім жасалған.
Яғни маусым айымен салыстырғанда, шілдеде пәтерге деген сұраныс 23%, жеке тұрғын үйге 7,9% артқан. Ең көбі Астанада мен Алматыда тіркелді. Қарағанды мен Алматы облыстарында тұрғындар тарапынан белсенділік байқалады. 2 756 және 2 005 келісімшарт.
Бір айта кетерлігі, Астана мен Алматыда қазіргі көрсеткіштер өткен жылмен салыстырғанда 26,2% және 18,9%-ға жоғары, ал Қарағанды мен Алматы облыстарында керісінше төмендеу байқалды – 14,1% және 12,9%. Шымкентте болса, 1 872 келісім жасалған. Бұл 2024 жылмен салыстырғанда 8,5% көп.
Сұраныстың артуына «зейнетақы нарығындағы» белсенділік тікелей әсер еткен. Санға салсақ, шілдеде Бірыңғай жинақтаушы зейнетақы қоры 178 мың өтінішті қабылдаған. Бұл бір жыл бұрынғы көрсеткіштен үш есе көп. Яғни қазақстандар тарапынан жалпы сомасы 56,2 млрд теңге болатын 110,9 мың өтініш келіп түскен.
Естеріңізге сала кетейік, бір жыл бұрынғы мәліметке сәйкес, Бірыңғай жинақтаушы зейнетақы қорының бір миллионға жуық салымшысында ғана зейнетақы жинағын пайдалануға мүмкіндігі бар болатын.
———————————————
© 2009-, «Жетінші арна». Барлық құқықтар қорғалған.
