Отшашуға тыйым салынып, автокөліктер үшін ақылы аймақтар пайда болмақ. Алматыда экологияны жақсарту мақсатында жаңа ережелер енгізілуі мүмкін. Оны- қалалық экология және қоршаған ортаны қорғау басқармасының мамандары әзірлеген. Енді мұржасы тазаланбаған моншаны жағуға, көліктерді көп уақыт қыздыруға, жиналған түрлі қоқысты өртеуге тыйым салынады. Әрі жауаптылар әкімдік жанынан экологиялық кеңес құрып, «Таза қала» электронды платформасын іске қосуды жоспарлап отыр. Айтуларынша, ол ауаның сапасын бақылауға мүмкіндік береді. Мұнымен қоса, қалада экологиялық аймақтар анықталады. Көліктер үшін бұл аумаққа кіру ақылы болмақ. Яғни тариф техниканың экологиялық класына байланысты есептеледі. Айта кету керек, жаңа жоба «Ашық нормативтік-құқықтық актілер порталында жарияланды. Қоғамдық талқылау 20 тамызға дейін жалғасады.
———————————————
© 2009-, «Жетінші арна». Барлық құқықтар қорғалған.
