Шымкент қаласы әкімінің орынбасары Руслан Берденовке қастандық жасау ісі бойынша сот процесі жалғасып жатыр. Бүгін сот алдында бірнеше адам куәлік берді. Оқиға болған уақытта әкімдік маңында құрбысымен жүрген куәгер айыпталушының: «Сенің кесіріңнен әйеліммен ажырасып жатырмын, сені бәрібір өлтіремін», — деп айғайлағанын айтты. Ал Берденовтің көмекшісі Рахымбердиевтің сөзінше, Жиембай қоңырау шалып; «Өлемін немесе оны өлтіремін», — деп айтыпты. Руслан Берденов сотқа өзі қатысып, бар шындықты айтуға ниетті. Бірақ бүгін әкім орынбасарына операция жасау жоспарланған, бәрі дәрігердің шешіміне байланысты болмақ.
———————————————
© 2009-, «Жетінші арна». Барлық құқықтар қорғалған.
