Қарағандыда сот болып, жарыссөз басталды. Бұл жерде мәселе Костенко шахтасындағы жарылыс туралы өрбіді. Айта кетейік, оқиға салдарынан 46 кенші қаза тапқан болатын. Қылмыстық іс 108 томнан тұрады. Жарты жылда 250-дей куәгерден жауап алынған. 74 зардап шегуші бар. Іс бойынша шахтаның 10 жұмысшысы күдікті ретінде сұралып жатыр. Оның ішінде кеніш басшылығы да бар. Прокурорлар айып актісін оқыды. Олардың айтуынша, шахта жарылардан бір ай бұрын бірнеше рет от тұтанған. Оны кеншілер өшірген. Сол кезде метан газының концентрациясы жоғары болғаны да тіркелген. Сонымен, прокурор 4 айыпталушыны – 8, бесеуін – 7, тағы біреуін 6 жылға соттауды сұрады.
ОЛЬГА КОТВИЦКАЯ — ҚАЙТЫС БОЛҒАН КЕНШІНІҢ ӘПКЕСІ:
— Олар ештеңе көрген жоқпыз. білмейміз деп отыр. Біз олардың ең көп жыл арқалағанын қалаймыз. Өйткені шахта басшылығының ештеңе білмегеніне сенбейміз.
БЕКЗАТ ӘШІРБЕКОВ — МЕМЛЕКЕТТІК АЙЫПТАУШЫ:
— Костенко атындағы шахтадағы қайғылы оқиға салдарынан 46 адамның қаза тауып, 26 жұмысшының жарақат алуына ереже бұзу себеп болған. Оған күмән келтіруге болмайды.
———————————————
© 2009-, «Жетінші арна». Барлық құқықтар қорғалған.
