Шымкенттегі кәсіпорындар арасында жалақы қарызы мәселесі өзекті болып отыр. Қаладағы 12 кәсіпорын 90-ға жуық қызметкерімен есеп айырыспаған. Жалпы берешек 120 млн теңгеден асады. Ең ірі қарыз – «ШымкентХимМонтаж» серіктестігіне тиесілі. Компания тек үш қызметкерінің өзіне 19 млн теңге берешек. Ал банкроттық жағдайдағы 7 кәсіпорынның 70-ке жуық жұмысшы алдындағы қарызы 89 млн теңгеден асады. Бұл – қаладағы жалпы берешектің 77 пайызы. Өңірлік еңбек инспекторлары жыл басынан бері 169 жұмыскердің 61 млн-нан астам теңгесін өндіріп берген.
ҒАЛЫМЖАН ШАРИПОВ – МЕИ ДЕПАРТАМЕНТІНІҢ БӨЛІМ БАСШЫСЫ:
— Анықталған бұзушылықтарды сот орындаушыларына атқарушылық істі қозғап, мәжбүрлі түрде өндіруге жолданғанмен, бұл процедура өндірілгенше біз сот орындаушылармен байланыс орнатып отырамыз. Тексеру жүргізуге тек қана прокуратураның тапсырма хаттарымен еңбек құқықтары бұзылған фактілерді растайтын құжаттары болған жағдайда жеке тұлғалардың арыз-шағымдарымен жұмыс жүргіземіз.
———————————————
© 2009-, «Жетінші арна». Барлық құқықтар қорғалған.
