Атырауда еңбек дауына қатысты шағым көбейді. Инспекция мамандары жыл басынан бері 140 заңбұзушылықты анықтап, жұмыс берушілерге 10 млн теңге айыппұл салған. Сонымен қатар, еңбек заңнамасына бағынбай, қызметкер құқығын бұзған 61 заңды тұлға жауапқа тартылды. Биыл еңбек инспекторларына 1300 өтініш түскен. Сөйтіп, 962 адамның құқығы қорғалып отыр. Оның сыртында 40 жұмысшының 36 млн теңге жалақысы өндірілді. Енді мамандар тағы 45 млн теңгенің жалақысын өндіріп алмақ.
ИГІЛІК ӘУБӘКІРОВ — МЕИ ДЕПАРТАМЕНТ БАСШЫСЫ:
— Қазір бұл қаржыны мәжбүрлі түрде өндіру үшін құжаттар сот орындаушыларға жолданды. Көбіне берешегінен жалтарып жүрген компаниялар қаржылық жағдайларын жобаның аяқталып, жұмыстың тоқтауымен байланыстырады. Сондай-ақ бұл тізімде банкрот болудың алдында тұрған кәсіпорындар да бар.
———————————————
© 2009-, «Жетінші арна». Барлық құқықтар қорғалған.
