Бір күнде жол ережесін 12 рет бұзды. Ақтөбеде шетелдік заңбұзушы ұсталды. Ол Қазақстан мен Ресей арасында жолаушы тасымалдаумен айналысады. Тексеру кезінде оның соңғы 11 айда 250 рет ереже бұзғаны анықталды. Айыппұл көлемі – 7 млн 700 мың теңгеге жеткен. Ол көбінде жылдамдықты асырып, жолаушылардың үрейін ұшырған. Ереже бұзушының көлігі арнайы автотұраққа қойылды. Енді ол айыппұлды түгел төлемейінше, темір тұлпарын алып кете алмайды.
ЕРБОЛАТ САРҚҰЛОВ, ПД БАСПАСӨЗ ҚЫЗМЕТІНІҢ БАСШЫСЫ:
— Негізгі құқықбұзушылықтар – жылдамдықты шамадан тыс асыру. Ол өз кезегінде жолаушылардың өміріне тікелей қауіп төндіреді. Сондай-ақ шетелдік азамат Ақтөбе – Орск бағыты бойынша жолаушыларды тасымалдау жүргізгені анықталды.
———————————————
© 2009-, «Жетінші арна». Барлық құқықтар қорғалған.
