Құрылғыларының жартысынан көбі ескірген. Петропавл жылу электр орталығын қайта жаңғыртуға 28 млрд теңге бағытталды. Бұл – инвестициялық қаржы. Қазір нысанда үш қазандық пен екі турбина жаңартылып жатыр. Онда автоматтандырылған басқару жүйесі орнатылды. Мұнымен қоса, жаңа түтін мұржасы салынды. Ол қыркүйек айының соңында іске қосылады. Болашақта тағы біреуі бөлшектеледі. Себебі оның да тозығы жеткен. Айта кетейік, осыдан үш жыл бұрын ескі мұржа опырылып қалған еді. Салдарынын бір адам үйінді астында мерт болды.
ДМИТРИЙ ЗАХАРОВ, ЖЭО ДИРЕКТОРЫ:
— Нөмірі екінші және үшінші мұржаға толығымен тексеріс жүргіздік. Соңғысының сараптама қортындысы дайын. Екіншісінікі жақында белгілі болады. Осылайша 2027 жылы біз тағы бір түтін мұржасын бұзуды жоспарлап отырмыз. Жалпы орталықта бүгінде 12 қазандық бар. Оның 11-і алдағы жылыту маусымында жұмыс істейді.
———————————————
© 2009-, «Жетінші арна». Барлық құқықтар қорғалған.
