«Қазақстанның лайықты Азаматтарының» есімдері белгілі болды. Еліміздегі ірі құрылыс компанияларының бірі – BI Group жариялаған байқауда ел болып таңдаған 3 қаһарман бүгін ерекше құрметке ие болды. Оларға компания жаңа пәтердің кілтін табыстады.
«Лайықты азамат» жобасы BI Group компаниясының Қазақстан нарығындағы 30 жылдығымен тұспа тұс келіп отыр. Байқаудың ерекшелігі – үміткерлер өздерін өздері ұсына алмайды. Оларды SMS-пен дауыс беру арқылы халық таңдайды. Яғни елге елеулі еңбегімен және бірегей болмысымен танылған, белгілі бір салада ерекшеленген азаматтардың есімі аталады.
АРАЙЛЫМ КЕНЖЕҒАЛИ, BI GROUP ҚҰРЫЛЫС ХОЛДИНГІНІҢ МЕНЕДЖЕРІ:
— Компаниямыздың 30 жылдығына орай 30 игі іс жасау қолға алынған. Соның бірі – қоғамға қандай да бір пайдасы тиіп жүрген мықты азаматтарды анықтау. Оларға қолдау көрсету. Ол қайырымдылық ісімен болсын, экология, медицина барлық салада болуы мүмкін. Биыл 60 адам ұсынылған, содан қазылар алқасы онын таңдап, дауысқа салды.
Онлайын дауыс беру кезінде де жұртшылық аса белсенді болған. 40 мың адам дауыс беріп, 3 адамды лайықты деп таныған. Олар Астана, Павлодар және Атырау қаласынан. «Лайықты Азамат» болғандардың бірі – атыраулық Гүлнәз Қосмұрзиева. 20 жылдан аса мүгедек арбасына таңылса да, ешқашан жасымаған. Талай мұқтажға көмегін ұсынып, өңірде талай істі тындырған табанды жан.
ГҮЛНӘЗ ҚОСМҰРЗИЕВА, БАЙҚАУ ЖЕҢІМПАЗЫ:
— Енді эмоциямыз керемет қой. Біреуге арман. Сондықтан BI Group компаниясына көп-көп рақмет! Маған дауыс берген кісілерге енді алғысым шексіз. Алладан қайтсын! Алла разы болсын!
Жеңімпаздарға BI Group компаниясы жаңа тұрғын үй кешенінен бір, екі және үш бөлмелі пәтерлердің кілтін берді. Болашақ қоныстанушыларға арналған модульдік ғимарат бас-аяғы 45 күнде құрастырылған. Пәтерлер толық әрленіп, бірінші күннен-ақ тұруға дайын күйде беріледі.
———————————————
© 2009-, «Жетінші арна». Барлық құқықтар қорғалған.
