Ақмола облысында екі жыл ішінде 21 мың оқушыға арналған 33 нысан бой көтерді. «Жаңа оқу жылы қарсаңында өңірде апатты жағдайдағы және үш ауысымды мектептер мәселесі толық шешілді», — деді бүгін Мемлекет басшысының қабылдауында болған облыс әкімі Марат Ахметжанов. Қасым-Жомарт Тоқаевқа өңір басшысы облыста барлық негізгі көрсеткіш бойынша өсім сақталып отырғанын жеткізді. Жалпы құны 4 миллиард доллардан асатын инвестициялық портфель жасақталған. Бұл 10 мыңға жуық жұмыс орнын ашуға мүмкіндік бермек. Әкім Президентке әлеуметтік инфрақұрылымдар, тұрғын үй коммуналдық шаруашылығы жайында да баяндады.
———————————————
© 2009-, «Жетінші арна». Барлық құқықтар қорғалған.
