Өскеменде күз келмей, жасыл желек қурап жатыр. Аптап ыстықтан жүздеген ағаш сарғайып қалған. Үлбі өзені жағалауына егілген жас көшеттер мүлдем суарылмаған. Мұндай мәселе орталық саябақтарда да байқалады. Ал қаланың осындай күйге түсуі тұрғындарды алаңдатып отыр. Жалпы биыл шаhарда 4 мыңнан астам түп тал егілді. Эколог Дәулет Асанов бірнеше жылдан бері Өскеменнің дендрологиялық жоспарын жасауды талап етіп жүр. Айтуынша, көгалдандыру ісі есеп үшін емес, ғылыми нақтылықпен жүргізілуі керек. Сондықтан бұл мәселені біржола шешу үшін арнайы ұйым құру қажет деп санайды. Ал облыс әкімдігінің ақпараты бойынша, дендрологиялық жоспар 2026 жылдан ерте дайындалмайды. Себебі оған қаржы қолбайлау.
ДӘУЛЕТ АСАНОВ – ЭКОЛОГ:
— Көшелермен аулаларға қатысты айтар болсақ, дендрологиялық жоспар керек. Себебі қазір учаскелер халыққа оңды-солды үлестіріліп жатыр. Ал иелері болса, ойына келгенді істейді.
ЕЛЕНА БЕРЕЗИНСКАЯ-АБИЛОВА, «ӨСКЕМЕН-ТЫНЫСЫ» ЭҚБ БАСШЫСЫ:
— Бұл жобаны жүзеге асыру үшін техникалық сипаттаманы дұрыс дайындау керек. Ал әкімдікте бұған жауапты тек бір ғана адам бар. Біз қоғам белседілері, тұрғын үй шаруашылығы бөлімі жанынан экология секторы құрылсын деп талап етеміз. Бұл мәселені уақытында шешпесек, ертең бәрі кеш болуы мүмкін.
———————————————
© 2009-, «Жетінші арна». Барлық құқықтар қорғалған.
