Ата Заңымыздың 30 жылдық мерейтойына орай Қонаев қаласында 42 отбасы баспаналы болды. Бұл жолы әлеуметтік осал топ санатындағы азаматтар мен көпбалалы аналарға «Қарлығаш» шағын ауданынан салынған 18 үй мен қаладағы көпқабатты тұрғын үйлерден 24 пәтердің кілті берілді. Дегенмен қазір Қонаев қаласы бойынша 3 883 адам баспана кезегінде тұр. Қаңтар, сәуір айларында 108 отбасына пәтер кілттері тапсырылған еді. Енді жыл аяқталғанша тағы 50 тұрғын қоныс тойын тойлайды. Алматы облысында жеті айда 703 мың шаршы метр тұрғын үй қабылданған. Жалпы Конституция күніне орай, өңірде 17 жаңа нысан пайдалануға беріледі.
ӘСЕМ АЛЫМХАНОВА – ҚАЛА ТҰРҒЫНЫ:
— Негізі 2013 жылы кезекке тұрған болатынмын. 2025 жылы үйлі болып жатырмыз. Шынын айтсам, кішкене толқып, қуанып тұрмын. Пәтер жалдап жүрген көпбалалы аналарға жұғысты болсын деп тілеймін.
———————————————
© 2009-, «Жетінші арна». Барлық құқықтар қорғалған.
