Бүгін УЕФА Чемпиондар лигасының жеребе тарту рәсімі өтеді. Айта кетейік, негізгі кезеңде 36 команда өнер көрсетеді. Соның 29-ы тікелей жолдама алса, жетеуі іріктеу кезеңінен өтті. Іріктеуден сәтті өткендердің қатарында алматылық «Қайрат» клубы бар. Енді қазақстандық команда тарихында алғаш рет Чемпиондар лигасының негізгі кезеңінде ойнайды. Алматылық ұжымның қарсыластары бүгін Монакода анықталады. Мамандардың айтуынша, Чемпиондар Лигасында жеребе тарту рәсімі жасанды интеллект EA LIVE бағдарламасы арқылы анықталады. Жалпы «Қайрат» клубының Алматыда өткізетін 4 матчына 4 мыңнан астам шетелдік келеді. Бұл еліміздің экономикасына шамамен 3 миллиард теңге көлемінде қаржы әкелуі мүмкін. «Kazakh Tourism» компаниясының сарапшылары осындай болжам айтты.
УЕФА ережелеріне сәйкес, елге келген команданың жанкүйерлеріне стадиондағы орындардың 5% көлемінде квота бөлінеді. Алматыда өтетін әр матчқа өз командаларын қолдау үшін орта есеппен мыңға жуық шетелдік жанкүйер келеді деп күтілуде. Орташа есеппен әрбір мейман Қазақстандағы сапары кезінде шамамен 1400 доллар жұмсайды,
«Қайрат» клубының Алматыда бірнеше матч өткізетіні ел экономикасына қосымша табыс әкелетінін түсіндік. Бұл жерде еліміздің туристік әлеуетіне де салмақ түсері хақ. Ендеше алматылық тәуелсіз сарапшы Айбар Олжайдың пікірін білсек.
———————————————
© 2009-, «Жетінші арна». Барлық құқықтар қорғалған.
