Шымкент қаласында үйін құс бағына айналдырған азамат тұрады. Экзотикалық құстарды өсіруді жанына серік еткен Сырлан Тәшімбетов бүгінде 100-ден аса құс бағып отыр. Бұл іске ол 35 жылын арнаған. Айтпақшы, оның негізгі мамандығы – есепші.
Құсшы әуелі сәнқой тотықұс бағудан бастаған. Кейін сирек кездесетін қанаттыларды көбейтуге бет бұрыпты. 41 жастағы азаматтың үйінде қазір 100-ден аса экзотикалық құс бар. Олардың жай-күйін жасау үшін Сырлан Тәшімбетов арнайы бір бөлмені жабдықтап қойған.
Тотықұстың бабын табу оңай шаруа емес. Бөлмедегі ылғалдылық пен температураға жіті көңіл бөлінуі керек, — дейді құсшы. Құс иесінің балалары да қанаттыларға бауыр басып қалған. Мысалы, 10 жастағы Бақдәулет экзотикалық құстардың көп түрін жатқа біледі.
БАҚДӘУЛЕТ САБЫР – ҚҰСШЫНЫҢ БАЛАСЫ:
— Мен құстарға 5 жасымнан бастап қызығып қарап жүремін. Мұның аты –Зебровая амадина. Оларды қатты қысып өлтіріп қоюға болмайды. Біз оларға су беріп, шөп беріп өсіреміз.
Тордағы құстардың бағасы да әртүрлі. Ең арзаны 10 мың теңге, ал қымбаты 150 мың теңгеге бағаланады. Бірақ Сырлан Тәшімбетов құстарды бизнес үшін бағып отырмағанын айтады.
МИРАХИМ РОЗМЕТОВ – ҚАЛА ТҰРҒЫНЫ:
— Сырланмен араласқанымызға біраз уақыт болды, осы құстар арқылы таныстық. Шымкентте құс асырайтын адам көп. 500 адамдай бар.
«Жалпы ел аумағында құс өсірушілердің арнайы қауымдастығын құру қажет. Сонда сирек құстарды көпшілікке таныстырып, халықаралық көрмелерге қатысуға мүмкіндік туады», — дейді шымкенттік құсшы.
———————————————
© 2009-, «Жетінші арна». Барлық құқықтар қорғалған.
