Елордада Senat Open турнирі, яғни Қазақстан Парламенті Сенатының Ашық кубогы финалы өтті. Шешуші ойында 215 қатысушы бақ сынады. Сенат пен Шахмат федерациясы мұрындық болған жарыс осымен екінші рет ұйымдастырылды және жыл өткен сайын интеллектуалды турнирге қатысушылар саны артып келеді. Федерация президенті Тимур Турловтың айтуынша, турнир шеберлікті арттыруға ғана емес, тәжірибе алмасуға да мүмкіндік береді. Айта кетейік, турнирдің алғашқы кезеңі 20 іріктеу турынан тұрған. Олар Қазақстанның барлық облысында өтті.
МӘУЛЕН ӘШІМБАЕВ, ҚР ПАРЛАМЕНТІ СЕНАТЫНЫҢ ТӨРАҒАСЫ:
— Белсене атсалысқандарыңыз үшін алғысымызды білдіреміз. Сондай-ақ Қазақстан шахмат федерациясына ерекше ризашылығымызды жеткізгім келеді. Елімізде шахмат қарқынды дами берсін. Осы салада жаңа жетістіктеріміз көп болсын!
ТИМУР ТУРЛОВ – ҚАЗАҚСТАН ШАХМАТ ФЕДЕРАЦИЯСЫНЫҢ ПРЕЗИДЕНТІ
— Осы турнир бәрімізді біріктірген жарыс болды. Сондай-ақ елімізде өтіп жатқан ең үлкен корпоративтік кубоктардың бірі. Осы ретте Маулен Сағатқанұлына, Сенатқа қолдау көрсеткені үшін алғыс айтамын.
———————————————
© 2009-, «Жетінші арна». Барлық құқықтар қорғалған.
