Жүргізуші: Оксана Петерс — https://www.instagram.com/oksana_peters_tv
ТӨТЕНШЕ ЖАҒДАЙ
Шымкент мұнай өңдеу зауытында оқыс оқиға болды. Екі жұмысшы ажал құшты. Автомұнара аударылып, оларды басып қалған.
ЗАҢСЫЗ ТАБЫС
Балық экспорттап, 80 миллиард теңге табыс тапқан. Жетісу облысында Еуропаға балық өнімін заңсыз жөнелтіп келген компаниялар анықталды. Су маржанын жөн-жосықсыз аулап, оны рұқсатсыз шетел асырғандар тергеуге алынды.
БЛОГЕРГЕ БҰҒАЛЫҚ
Жыл басынан бері әлеуметтік желіде онлайн-казиноларды жарнамалаған 34 блогер күдікке ілінді. Олар заңды қанша бұзса да, айыппұл төлеп құтылады. Сондықтан құзырлы орган өкілдері ақылы жарнамадан ақша тауып, дәніккендерді қатаң жазалауды ұсынды.
МЕКТЕПТЕ ЖАҢА ЕРЕЖЕ
Енді елдегі мектептерді жас қарауыл күзетеді. Жаңа талап бойынша, олар арнайы дайындықтан өткен және жасы елуден аспаған болуы шарт. Ал мұғалімге бейәдеп сөз айтып, тіл тигізгендер 157 мың теңге айыппұл арқалайды.
ИНТЕРНЕТСІЗ ҚЫЗМЕТ
Телефоныңызда тариф таусылып, интернет өшіп қалса да, кейбір қызмет қолжетімді болады. Айталық, Aitu, eGov, eOtinish секілді қосымшалар ғаламторсыз жұмыс істей бастайды. Демек, көптеген қызмет тегін көрсетіледі.
———————————————
© 2009-, «Жетінші арна». Барлық құқықтар қорғалған.
