Өскеменде тозығы жеткен су және кәріз құбырлары жаңартыла бастады. Өйткені облыс орталығында өткен ғасырдың 80-жылдары салынған желілер әлі бар. Оның жалпы ұзындығы 16 шақырымнан асады. 2026 жылға қарай шаhар толықтай орталықтандырылған суға қосылады. Бұл мақсатқа 4 млрд теңге бағытталды. Жөндеу жұмыстарының барысын қоғам белсенділері және монополияға қарсы қызмет өкілдері бақылап жүр. Жалпы елімізідң шығысында ауызсу мәселесі өткір. Сондықтан түйіткілді тарқату үшін құны 45 млрд теңге болатын 27 жоба іске асуда.
АНДРЕЙ АЛЕХНОВИЧ – КОМПАНИЯНЫҢ БАС ИНЖЕНЕРІ:
— Соңғы 15 жылда Өскемендегі шағын аудандарды сумен қамту үшін бірнеше ірі жоба қолға алынды. Бұл – Сол жағалау кенті, Ахмирово, Меновное елді мекені. Сондай-ақ, Лесхоз кентінде су құбыры желілерінің құрылысы басталды. Алдағы уақытта бұл мәселе толығымен шешіледі.
ЕРМЕК ИМАНҒАЗИНОВ – ҚОҒАМ БЕЛСЕНДІСІ:
— Халықтық бақылаудың маңызы өте зор. Себебі біз жұмыстың қалай жүріп жатқанын өз көзімізбен көріп, қадағалап отырмыз. Бұл жобалар халық үшін аса маңызды.
———————————————
© 2009-, «Жетінші арна». Барлық құқықтар қорғалған.
