1 қыркүйектен бастап көршінің мазасын алғандар мен көше тәртібін бұзғандар айыппұлмен шектелмей, қоғамдық жұмысқа тартылады. Енді түн ішінде айғайлап, музыка қойғандар немесе көшеде бейберекет қылық көрсеткендер қолына сыпырғы алып, аула тазалауы мүмкін. Жаңа талап бойынша мұндай құқық бұзушылар бірнеше сағат қоғамдық орындарды ретке келтіруге міндеттеледі. Ішкі істер органдары бұл қадам тұрғындардың тәртіпке бағынуына әсер етеді деп отыр. Әсіресе көршілерінің мазасын алуды әдетке айналдырғандар енді жазадан қашып құтыла алмайды. Қоғамдық жұмысқа тартылғандардың тізімі жергілікті полиция бөлімдерінде тіркеліп отырады. Мамандардың айтуынша, бұл шара тәртіпсіздіктің алдын алып қана қоймай, қоғамдағы өзара сыйластықты күшейтеді.
———————————————
© 2009-, «Жетінші арна». Барлық құқықтар қорғалған.
