Ақтөбе қаласындағы «Сарайшық» шағын ауданының тұрғындары 30 жылдан бері жол азабын тартып келеді. Ескі жол жамылғысы әбден жарамсыз күйге түскен. Асфальты бар жолдың өзі ойдым-ойдым болып, жүріп-тұру қиындаған. Тұрғындар жергілікті билікке талай рет шағымданғанымен нәтиже болмапты. Тіпті өмірі жөндеу көрмеген жолдарға қиыршық тас төсеп беруін де өтінсе керек. «Өйткені әр көктем-күзде балшыққа белшеден батып, әбден қиындықтың қыл көпірінен өтіп жүрміз», — дейді олар. Көлікті түгілі жаяу жүрудің өзі мүмкін болмай кеткен. Ал әкімдік әкімдік өкілдері қаржының жоқтығын алға тартады.
ӘДІЛ ӘЖІҒАЛИЕВ, ҚАЛА ТҰРҒЫНЫ:
— Әкімдер бар ма, начальник ЖКХ бар ма, білмейміз. Ешкімнің халыққа жаны ашымайды.
АРСЕН МҰРЗАЛИН, ТҮКШ БӨЛІМІНІҢ СЕКТОР МЕҢГЕРУШІСІ:
— Жобалық құжаттама 2024 жылы дайындалған болатын. Алайда қаржы болмауына байланысты әлі жүзеге асырылған жоқ. Бұл жоба 21 көшені қамтиды. Мемлекеттік сараптамаға сәйкес, құрылыстың мерзімі – 9 ай. Жұмыс келер жылы басталады.
———————————————
© 2009-, «Жетінші арна». Барлық құқықтар қорғалған.
