Елордада «ауру мысық» сататын әйел талайды алдап келеді екен. Сол саудагерден шотланд тұқымды Тедди есімді мысықты сатып алған Ноян мен Сакинат есімді жас жұп. Олар интернеттен 46 мың теңгеге асыл тұқымды марғау сатылады деген хабарландыруды көріп, иесімен байланысқан. Әйел мысықты жіберген, бірақ келгенде ол жарнамадағы суреттегідей болмай шыққан. Ал келесі күні-ақ мысықтың жағдайы нашарлап кеткен. Ветеринарлар Теддиға панлейкопения болуы мүмкін екенін айтқан. Бұл – ішкі ағзаларды зақымдайтын, 90 пайыз жағдайда өлімге әкелетін мысықтардың жұқпалы ауруы, яғни «мысық обасы». Сакинат марғауды құтқаруға тырысып, жағдайын әлеуметтік желіде жазған. Сол жерде оның жағдайына ұқсас жүздеген адам бар екені белгілі болған. Кейбірі тіпті ол әйелмен соттасқан, бірақ ештеңе дәлелдей алмаған.
НОЯН АУГАНОВ, МЫСЫҚ САТЫП АЛУШЫ:
— Екінші күні жағдайы тіпті нашарлап кетті. Қарауға жүрегің ауырады — тамақ ішпейді, су да ішпейді. Қызым екеуміз абыржып қалдық. Түнде ветеринарлық клиникаға бардық. Ветеринарлардың бәрі оны біледі. Бірақ онымен күресу мүмкін емес, бәрі біледі, бірақ ешкім ештеңе істемейді.
———————————————
© 2009-, «Жетінші арна». Барлық құқықтар қорғалған.
