Бейнеу ауылында екі оқушының аяғын қарсақ тістеп алған. Түлкі тұқымдас аң оқушыларға тап бергенде, балалар не болғанын түсінбей қалыпты. Жыртқышты мамандар ұстап, Ақтаудағы ветеринариялық зертханаға жіберді.
Зертханада жыртқыштың ауру-ауру еместігі нақтыланады. Ал дәрігерлер жарақат алған қыз балаларға дереу медициналық көмек көрсетті. Қазір құтырма ауруына қарсы екпе кезең-кезеңімен салынып жатыр.
СҰҢҒАТ БАТЫРОВ, БЕЙНЕУ АУРУХАНАСЫНЫҢ ТРАВМАТОЛОГ ДӘРІГЕРІ:
— Екі пациент қазіргі таңда Бейнеу аудандық ауруханасының травматолог дәрігерінің бақылауында. Бүгінгі күні екінші екпесін алды. Қазіргі таңда жағдайлары тұрақты. Кесте бойынша емін алуда.
———————————————
© 2009-, «Жетінші арна». Барлық құқықтар қорғалған.
