Ақтөбеде Елек өзенінен денесі табылған 16 жастағы жасөспірім туралы тағы бір дерек шықты. Марқұмның әпкесі бейнебақылау жазбасын қарап, інісінің моншадан шығып, артынан ілескен көлікке отырғанын айтқан. Жақындары баланың өз-өзіне қол жұмсады дегенге сенбейді. Желтоқсанның басында жасөспірімнің денесі Елек өзенінен табылған. Көп ұзамай сол жерден 27 жастағы ер адамның да денесі шығарылды. Тергеушілер екі адамның бір-бірін танитынын, денесінде жарақат болмағанын хабарлады. Полиция бейнежазбадағы көлік екенін растады. Ал рөлдегі жүргізушінің өзеннен денесі табылған 27 жастағы ер адам екені белгілі болды.
———————————————
© 2009-, «Жетінші арна». Барлық құқықтар қорғалған.
