Қарағанды облысында оқушылар экологиялық мәселелердің нақты шешімдерін ұсынды. Олар өз жобаларын «Таза Қазақстан» жалпыұлттық акциясы аясында өткен байқауда көрсетті. 80-ге жуық өтінімнің ішінен ең үздік 12 жоба финалға жолдама алды. Олар қалдықты қайта өңдеу, баламалы энергия және smart-технология бағыттарын қамтиды. Финалдағы ең ерекше жобалардың бірі – қоқысты автоматты түрде сұрыптайтын интеллектуалды станция. Бұл жобаны 10-сынып оқушысы әзірлеген. Құрылғы автономды түрде жұмыс істейді. Пайдаланушы қоқысты камераға жақындатса жеткілікті, жүйе оны анықтап, тиісті бөлікке бағыттайды.
ИМРАН ӘБСАДЫҚОВ, ОҚУШЫ:
— Жобамның ерекшелігі автономды және ештеңені қажет етпейді. Оны мектепке де, мекемеге де орнатуға болады, сол жерде тұрып-ақ қоқысты сұрыптай береді. Қалдықты бір контейнерге сала салатын адам осы құрылғы арқылы сұрыптауға тез дағдыланады.
———————————————
#Жаңалықтар #жаңалықтар2026 #жаңалықтаржетіншіарна #Жетіншіарна #седьмойканал #7канал
© 2009-, «Жетінші арна». Барлық құқықтар қорғалған.
